| Ben님의 프로필四王子★4 PrInCe사진블로그리스트 |  도구  도움말 |
四王子★4 PrInCe每个人都拥有一个梦，下定决心就不要想，努力地去把它实现！
6월 18일 ◎冠军感言◎比賽終於完滿結束了，我終於都可以將個冠軍用嚟送畀老豆做父親節禮物，同老媽子新曆生日禮物！不過遺憾嘅系無得講得獎感受……不過老暈話齋，blog講
系blog度就可以慢慢講了！好啦，首先多謝我daddy mommy，因為系佢哋賦予我一把特別嘅聲線，一直都包容佢哋個仔嘅任性。我以後都唔會再任性了，我大個了，我會懂得點樣處理我自己嘅事，我唔會再令你哋擔心了！多謝芸芸，如果我攞最佳聲線獎，我會第一個多謝你，因為系你一直都咁欣賞我呢把連我自己都無乜信心嘅聲音。多謝大佬，每次細佬有比賽，你都會第一個到場，雖然你唔會好誇張咁歡呼，但系你每一個勝利嘅手勢都系度同我加油！多謝二佬、三佬你哋一直支持我做嘅嘢！多謝EK、阿君、IVY、琳琳，你哋每次都好關心我比賽，每次你哋都會變成我fans坐系下面為我加油
第二批就系同我一齊奮鬥，一齊系廣播路上戰鬥嘅戰友。多謝肥蟲，最最最瞭解我嘅系你，因為我迷茫你會幫我走出圈子，我唔開心你會開解我，我過分驕傲你會潑我冷水，陪我一直走過來，系你每一句同我講過嘅說話！多謝胸圍，多謝你無私咁搵我同你一起做深夜嘅星辰點點，然後再有而家嘅TOM音樂大贏家，我地有過“威震四方”，我真系好希望有一日，“威震四方”可以再現廣播界。多謝大長琨，多謝你做我聆聽者，成日聽我發洩無謂嘢！今次你都成功了，我地一齊好好努力下去！多謝Human，多謝你無嫌我呢個咁煩嘅大佬，系你身上面，我發現左自己好多不足，記住，你有嘅系時間和機會，繼續努力啊！！多謝師兄，無你一直提點我，我諗我唔會走到冠軍呢個位置
最後一個，壓軸出場，呢個人系我比賽前3個半小時同我講“你攞唔到三甲就唔好出現系我面前！”其實我知道，佢想我攞冠軍，我亦都深深知道，如果我攞唔到冠軍，我就根本無面目見佢。呢個人系我師傅，林榮駿先生！仲記得當我仲系果個自我介紹唱住THE BEST IS YET TO COME出場嘅肥仔，只不過系一個成日聽收音機，對廣播一直迷戀但系又毫無意識去實現夢想嘅人。直到我比賽落敗，你走到後臺，將我執左翻嚟廣播界，將我嘅人生完全改寫。仲記得，開始我苦苦哀求你收我做徒弟，而你一直都勸我將廣播睇成一種興趣，你話我唔適合廣播，直到我一直求，我一直咁努力，我仲記得當初1分鐘嘅音我錄左半個鐘，一直到了用15分鐘，10分鐘，8分鐘，5分鐘，3分鐘。我仲記得第一句，你承認我系你徒弟嘅說話。仲記得你講過，師兄系DJ比賽冠軍，我雖然唔系冠軍，但系系一顆滄海遺珠。我一直都記得呢句說話，今日我呢粒滄海遺珠終於發光了，我終於做到冠軍了！一直以來，你無好刻意咁教過我乜嘢，但系你叫我做每一樣事，同我講每一句說話，我都知道你就系度教緊我，我先知道，其實最好嘅教人方法，就系潛移默化。攞到冠軍，我就可能要落山了，我好擔心無人幫你料理好約會陌生人嘅嘢，無人幫你執台，無人幫你睇住啲CD，無人幫你接電話……但系我相信你會好開心見到我成功，我唔會辜負你對我嘅教導，一日為師，終身為師。師父，多謝你！ 9월 15일 一杯冻的浓的普洱茶……今晚在我的电脑旁，有一杯很冻很浓的普洱茶，不知道，是否因为这一杯茶而令我稍微有点失眠……我知道另一端的角落有一个好友或许今晚会失眠，因为……因为……因为……
很多人很喜欢我，很多人很讨厌我，因为我很好，因为我很坏……水瓶座和摩羯座融于一体的我，本身就是一个矛盾共同体……明明喜欢的东西，却要把它丢弃，因为爱，因为恨。其实我很犯贱……
曾经和同事友人讨论过，怎么放下一样自己最心爱的东西，要么，小心轻放，要么绝情丢掉。小心轻放是一种最具艺术性的方法，因为它不会被破坏，而你还可以远处看着它；而绝情丢掉是一种最具速度的方法，因为心爱的东西被破坏，你不会再见到它，但是你得到的是最深最深的伤痛。
最近发现自己开始为小心轻放做足准备，因为……因为……因为……在人面前总是有那个冠冕堂皇而理直气壮的理由，而自己却在想我该怎么办，把自己心爱又触手可及的东西放下，是那么的艰难。我开始在练习，开始在尝试，用另一样东西代替去尝试，结果？就像友人说，“你可以？到时再说！”
没有想到秋天这么快来临，令到仅仅放了30分钟的温暖普洱茶变成一杯冻茶。
没有想到秋天这么快来临，令到延续了两年的热情，慢慢冷却……
告诉自己，还有机会，因为……因为……因为……
希望到了那一天，自己可以喝着一杯热热的浓浓的普洱茶，去接受任何的结果，希望可以重燃热情，希望可以小心轻放…… 9월 14일 我生，缘来，缘尽，往生……part3part2讲到阿四，即喺吴肥仔啦！决定左参加DJ比赛啦！究竟点DJ法呢？（就喺咁DJ）
7、阿四面试当日，好多人去排队啊！跟住就面完试啦！（哇，真喺讲左嘢嘎我！）面完试嘅时候，居然畀阿四见到佢仰慕已久嘅DJ——佢就喺林荣骏先生啦！呢个唔系重点，重点系阿四觉得佢过唔到面试咯！跟住2日后就有人畀电话吴肥仔叫佢复试录音！（哇……摆明玩嘢姐！咁差都可以录音！）好衰唔衰，录音个日吴肥仔居然肚痛（肯定吃得太多嘢）……一路喺度乱up一路喺度忍住肚内膨胀……录完之后直奔翻屋企，一泄千里（哇～～舒服晒！）……阿四心谂，咁差都无乜可能入到四大赛区嘎啦！于是叠埋心水做嘢校园DJ仔！点知就喺呢个时候手机又响起啦！就喺叫佢去开会，准备四大赛区比赛！（哇……畀人造马啊！）
8、就喺呢个时候，果个同阿四同班嘅“师姐”攞左“魅力新人大赛”冠军！搞到阿四唔知点，但喺佢觉得：“佢攞冠军，关自己咩事！我尽力就得了！”于是“que”一声咁嚟到四大赛区嘅比赛啦！阿四畀人分左去广工赛区喔！但喺佢呢一晚一啲都唔紧张！因为同佢一齐比赛嘅仲有一个同佢一样咁白痴嘅——showman！（畀啲掌声先……）阿四自己都唔知点解自从上次培训开始就同呢个周身都喺毛嘅人咁熟！呢啲就喺缘啦！跟住比赛完（快到无伦……）阿四终于都无畀人造马啦！（一直都无造过……只不过系奸商大学无人参赛而已……）所以佢无入到决赛！就喺佢临走嘅时候，佢嘅DJ偶像入左嚟喔！
9、见到林生入嚟，阿四成个人失晒晕，就好似fans见到偶像咁……（唔使好似，根本就喺！）跟住阿四攞张都唔知喺咪厕所用过嘅纸出嚟，同林生讲，“荣骏，我听左你节目好耐嘎啦！你帮我签个名啦！”点知林生兜嘢咁签埋去（咦……张纸皱嘅……）跟住阿四发现，林生签嘢越签越多嘅？跟住林生居然同阿四讲：“翻学唔忙，得闲就嚟帮我手啊！”阿四呆左喺度，讲左句“哦，好啊……”咁就走左……究竟阿四之后有冇帮林生手呢？
且听part4分解！！ 9월 13일 我生，缘来，缘尽，往生……part2上回讲到，系吴肥仔准备折埋嘅时候，傻婆杨安莉又出现啦！
4、傻婆居然推荐吴肥仔去广播台做，吴肥仔本来觉得大二同大一争真喺有啲问题，不过算啦！傻婆一番好意，所以佢谂住去啲幕后部门做下嘢，点知傻婆居然叫佢去节目部！（哇……节目部喔！啲人好寸个啵！）于是吴肥仔挣扎左好耐，就入左去节目部面试……凭住佢系LG做sales练得三寸不烂之舌，咁就入咗节目部了……真喺从来无谂过……（吴肥仔呢个时候先醒起，佢高中个镇都喺广播站站长……真喺缘分，点都同广播拉上关系……）
5、吴肥仔未正式进入节目部就已经有第一场show做了！就喺社联开幕式啊……（哇，好似好大咁喔……）处男show喔……做完之后，吴肥仔凭住阿四呢个名，开始系MC界发迹了！（以下吴肥仔将会简称阿四）阿四正式进入节目部，因为阿四嘅母语系粤语，所以好彩咁唔使学报新闻，就直接做节目，佢第一期节目就喺做佢最爱嘅林一峰（哇……佢终于都可以同大家推荐佢最爱嘅音乐啦！开心到佢晕鬼左……）当然地，第一期节目垃圾到无人有…………
6、因为阿四常播林一峰嘅歌，所以大家系学校一听到林一峰嘅歌就知道系佢做紧节目了！因为阿四与世无争，所以幸得系“好寸”嘅节目部留低，亦都成为节目部入面最唔寸，最唔起眼嘅一个……终于有一日，佢发现左一张海报贴左系校道宣传栏，写住“音乐之声21cn网络新势力DJ大赛”，佢个心突然一动，好想去比赛，想去试下……但喺佢又惊输……因为节目部有两个“师姐”（师乜鬼姐啊，同届嘅！有一个同班添！）入咗魅力新人决赛，如果佢输左咪好淤……谂嚟谂去……终于系截止前一日决定参加比赛……
究竟阿四比赛点呢……且听part3分解！！！ 9월 8일 我生，缘来，缘尽，往生……哈哈！先笑两声……都唔知自己点解会写个咁嘅题目……好似准备出家成佛咁！
星期三，翻学啦……第一日翻学，第一日上课，就瞓足一日！感觉……我真喺唔属于校园了……我提早毕业啦！因为我大学过得好充实，我毫无遗憾咁离开校园！感觉学校好多嘢都唔属于我噜～～系学校，突然觉得轻松晒！因为无系电台嘅压力，又无广播台压力，又无乜学业压力，而家更加未有就业压力……真喺好！
当然系呢个时候就会好戏剧咁，喺度谂翻以前啲嘢……（准备好未？灯光！服装！烟幕！Camera！Action！）
1、2003年9月唔知几号，一个好靓嘅肥仔嚟到广东奸商大学……佢个名叫做吴宇斌！（哇，姓吴起个咁嘅名都几英啵！）一入学，佢就好唔惯，成日觉得自己好似出左省城咁……最后经过好多人同佢自己努力，终于搞掂左呢个心理障碍啦！本来好想拣广播台嘅佢，因为听到师姐讲，广播台节目部啲人好窜架！咁就入咗学生会嘅文娱部……一直庸庸碌碌，每次舞台活动，佢都喺系音响室度做音响师傅……其实佢几咁想企系上面唱歌！
2、2004年3月，呢个好靓嘅肥仔，经文娱部师姐介绍去左LG卖空调，辞退系PizzaHut嘅厨房仔兼职！就喺呢个时候，佢见到一个令到佢自己心跳加速，日思夜想嘅女仔，呢个女仔就叫做小韵！佢下定决心要追佢！
3、2004年9月，一直庸庸碌碌嘅吴肥仔，终于有机会扎啦！睇好佢嘅傻婆杨安莉师姐，推荐佢上去做文娱部部长，点知一个叫陈超嘅丑男师兄从中作梗！夺去部长之位！本来吴肥仔都打算就咁安心读书，以后做个靓仔白领！呢个时候傻婆杨安莉又出现啦！跟住系点！？
请待下回分解～～～ |
|
|||||
|
|
